Bola xavfsizligi
Tez kunda
Tez kunda ishga tushadi
“Maktablarda bolalar muhofazasi” dasturi
Maktabning barcha xodimlari uchun bolalarni himoya qilish boʻyicha masofaviy trening. Oltita qisqa modulni oʻqing, test topshiring va sertifikat oling.
Kurs haqida
“Maktablarda bolalar muhofazasi” dasturi — Masofaviy oʻqitish va oʻrganish loyihasi doirasida maktabning barcha xodimlari uchun tayyorlangan trening. U oltita 20 daqiqalik moduldan iborat.
Xodimlar kurs materiallarini oʻqib chiqadi, test topshiradi va muvaffaqiyatli yakunlaganlar sertifikat oladi. Kurs tez kunda ishga tushiriladi.
Kurs modullari
Modul 1 · 20 daqiqa
Maqsad. Bolalar xavfsizligini taʼminlash tamoyillari, bolalar huquqlari va har bir xodimning oʻquvchilarni zarar yetishidan himoya qilish boʻyicha masʼuliyati haqida umumiy tushunchani shakllantirish.
Bolalarni himoya qilish tamoyillarini umumiy tushunish izchil amaliyotni shakllantiradi, ongli qarorlar qabul qilishga yordam beradi va bolalar xavfsizligi muhim hisoblanadigan maktab madaniyatini yaratadi.
Modul 2 · 20 daqiqa
Maqsad. Zoʻravonlik, eʼtiborsizlik, ekspluatatsiya, bulling va boshqa zararning mumkin boʻlgan belgilarini (signallarini), jumladan xulq-atvor, davomat yoki oʻquv faolligidagi oʻzgarishlarni aniqlash.
Bolalar qiynalayotganini toʻgʻridan-toʻgʻri aytish oʻrniga xulq-atvori yoki davomati orqali namoyon qilishi mumkin. Ogohlantiruvchi belgilarni (signallarni) tanib olish xodimlarga muammolarni erta payqash va yordam soʻrashga imkon beradi.
Modul 3 · 20 daqiqa
Maqsad. Diqqat bilan tinglash, tinchlantirish, mos savollar berish va maxfiylik chegaralarini aniq tushuntirish orqali xotirjam va qoʻllab-quvvatlovchi tarzda javob berishni oʻrganish.
Bolaning kattalar bilan birinchi suhbati uning keyinchalik yana yordam soʻrash moyilligiga taʼsir qilishi mumkin. Qoʻllab-quvvatlovchi javoblar kattalarga boʻlgan ishonchni mustahkamlaydi, ikkilanishni kamaytiradi va himoya qilish imkonini beradi.
Modul 4 · 20 daqiqa
Maqsad. Xavotirlarni xolisona hujjatlashtirish, ehtimoliy zarar va taʼsirlari haqida belgilangan murojaat kanallar orqali xabar berish, maxfiylikni saqlash hamda amaldagi Oʻzbekiston qonunchiligi va maktab ichki tartib-qoidalariga rioya qilish.
Aniq xabar berish tartibi xavotirlarning eʼtibordan chetda qolishi yoki notoʻgʻri hal etilishining oldini oladi. Aniq yozuvlar, oʻz vaqtida yuqori organga yetkazish va belgilangan masʼuliyatlar maktablarga tegishli choralarni muvofiqlashtirishda yordam beradi.
Modul 5 · 20 daqiqa
Maqsad. Xodim va oʻquvchining muloqoti munosabatlarida, jismoniy munosabatlarida, yakka-ma yakka muloqotlarida, raqamli muloqot munosabatlarida, suratga olishda/tushishda va maktabdan tashqari tadbirlarda tegishli chegaralarni qoʻllash.
Izchil va aniq chegaralar zarar yetkazish imkoniyatlarini kamaytiradi, oʻquvchilar va xodimlarni himoya qiladi hamda barchaga xavfli amaliyotlarni tanib olish va tegishli munosabatlarni saqlashga yordam beradi.
Modul 6 · 20 daqiqa
Maqsad. Xavfsiz va inklyuziv muhit yaratish, oilalar bilan tegishli tarzda hamkorlik qilish, tengdoshlar oʻrtasidagi zararni bartaraf etish va maktab miqyosida bolalar xavfsizligi boʻyicha masʼuliyatni kuchaytirish yoʻllarini aniqlash.
Bolalar xavfsizligini taʼminlashda birgina shaxs yoki birgina tashkilot yetarli emas. Jamiyatning kutilmalari va masʼuliyatlari, oʻquvchilarning ovozi eshitilishligi, oilalar bilan hamkorlik va rahbariyat masʼuliyati xavfsizroq maktab jamoasini barqaror saqlashga yordam beradi.
Kimlar uchun
Darsda va darsdan tashqari faoliyatda oʻquvchilar bilan ishlaydigan pedagoglar.
Maktab rahbariyati va maʼmuriy xodimlar.
Psixologlar, ijtimoiy pedagoglar va oʻquvchilarni qoʻllab-quvvatlovchi boshqa mutaxassislar.
Oʻquvchilar bilan kundalik muloqotda boʻladigan texnik va boshqa yordamchi xodimlar.
Qanday ishlaydi
Oltita 20 daqiqalik modulni masofaviy oʻqib chiqing.
Bilimingizni test topshirish orqali tekshiring.
Testni muvaffaqiyatli topshirganlarga sertifikat beriladi.
Huquqiy asos va manbalar
Quyidagi normativ-huquqiy hujjatlar ham kurs uchun manba boʻlib xizmat qiladi.
Prezident Farmoni
“2026–2030-yillarga moʻljallangan Bolalarni zoʻravonlikning barcha shakllaridan himoya qilish strategiyasini tasdiqlash toʻgʻrisida”
Qonun
“Bolalarni zoʻravonlikning barcha shakllaridan himoya qilish tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”
Vazirlar Mahkamasining qarori
“Bolalarga nisbatan zoʻravonlik holatlarini aniqlash, zoʻravonlik xavfi darajasini baholash, himoya qilish rejasini ishlab chiqish hamda uni amalga oshirish tartibi toʻgʻrisidagi nizomni tasdiqlash haqida”
Qonun
“Bolalarni ularning sogʻligʻiga zarar yetkazuvchi axborotdan himoya qilish toʻgʻrisida”
Qonun
“Shaxsga doir maʼlumotlar toʻgʻrisida”
Rasmiy matnlar va ularning amaldagi tahrirlari Qonunchilik maʼlumotlari milliy bazasida (lex.uz) joylashgan.
Yangiliklar shu sahifada eʼlon qilinadi.